شعر غزل عراقي قصير

[هند أمين]

اليكم العديد من الأشعار التي تشير برجة كبيرة الي مدح ورثاء الحبيب، فالحب يا أبتي أحد أجمل العلاقات التي يكتسبها الإنسان خلال حياته، ومهما وصفنا الحب لكم بمعناه الحقيقي لا يمكن لنا أن نوضفه لكم، فذلك الشعور لا يوصف بحق.

أبيات شعر غزل عراقي قصير

ما أجيك ولا تجيني ولا أجيك
يل بعتني الوكت غشاني بيك
لا وحك كل دمعة نزلت ماأجيك
وما أبيعك مو لأن غالي الثمن
ومولأن اني أحبك بس افكر
من ابيعك راح اغش اليشتريك

احبك حب ولامر على أنسان
وتدري شكد احبك راح افهمك
حلمت انة بالجنة وانت بالنار
اكفر كمت حتى انتقل يمك

موبس اني اذوب واخدر عليك
من احلم بيك حتى فراشي يخدر
منو الكال الكمر يفتر على الكاع
الكمر شافك حلو وكام يفتر
على نار انتظر ومتاني الاحباب
وندك باب بيتي والكلب ذاب
طلعت للباب عود الباب افتحة
لكيت الباب طالع فاتح الباب

حبك مو لأن انت حلو…لا
لأن روحي التقت گبلي… ولك بيك
اذا إنت تمُّر عا الأعمى يصيح الله
والأخرس لـَّون حاچيتة يحاچيك
أذب گلبي إعلى سهمك وآنه مجروح
واگلك دير بالك اخاف أأذيك
إجرَّحني ولك بس كون عالكيف
لأن إنت ويَّـه دمي وخاف أبديـِّك
إجرحني ولـك بس كون ماموت
حتى مـِّن يتهموَّنك أبريّك

فديت عيونك الحلوات
فديت كلبك لدافي
يااحلى بشر بهذا الكون
يااحلى من لعسل صافي
اتمنه بحظاني اضمك حيل
وخلي شفافك عل شفافي
وبظلمه نكعد بس انه وياك
وماريد ضوه خل لضوه طافي
وحجيلك قصص حب وغرام
وتظل بحظاني نايم وغافي

كاعد يمي اشوفك ايد فوك الايد
ومفتون بجمالك والكلب يسعر
تكَرب يمي خدك وانه اكلك روح
اخافن بس ابوسك يصعد السكر
كون بگلبي تدري اشيحمل اسرار
وكونك تفهم بنظرات العيون
ليش آنه من اشوفك اشتعل نار
گوم الحگ عليه وشوفني شلون
احبك .. وآنه باقي وياك محتار
شفت اعيونك آنه .. وصابني اجنون
ولك گلبي گلب .. مو كومة احجار
ومن حقي آنه اگلك .. بيك مفتون
بارد لشوكت .. مره انگلب حار
وچويني واگلك آني ممنــــــــــــون