القهوه وماطرا عليها تتغير

[كلاشنكوف]

الشاعر صلاح المطرفي...


البـارح الهاجـوس وقـد علـيـه ... وممـا جرالـي ماتهنيـت بنعـاس

اقبـل علـي البـن مثـور قضيـه ... قال المكاين ما تسـاوى بمحمـاس

ومن بعدها جاء الهيل يتبع خويـه ... قال العـرب ماعادتعرفلـي قيـاس

وجاء الزعفران اللي فلا شفت زيـه ... اشره على اللي مايعرفه من النـاس

واقبل علي مـن العويـدي رعيـه ... روايحه تاصل ليـا قمـة الـراس

واني بحس اصوات نجـر الحميـه ... رحنا على صوته وقـوف وجـلاس

وجنـي ثـلاث مقبـلات سـويـه ... صفر من الرسلان يجلن الاعمـاس

تجمعـوا والكـل يشكـي خطـيـه ... وكل كتب شكواه في جوف قرطاس

واليـن شكواهـم بلاشـك لـيـه ... في وقتنا اللي مثل بيت بلا سـاس

مـن بعـد كانـت دلـة الشاذليـه ... ابهارها تجلا عن الراس الاعمـاس

اليـوم مهجـوره وراحـت نحيـه ... وبعد المعزه لابسه حلـت اليـاس

راحـت معاميـل النشامـا رميـه ... وماشوف للمقهاه فالبيـت متـراس

مع التطـور حمسـت البـن نيـه ... والهيل مايعرف من ايات الاجنـاس

ويالله يابـادي علـى كـل نـيـه ... ياشايف المخلوق في ليل الادمـاس

ياواحـد تفـرج همـوم البـريـه ... ياللي فرجت هموم ابو دباس بدباس

تفـرج همـوم كنهـا النـار حيـه ... وسط الحشى تلهب تضرس تضراس

وعلى النبي ازكـى صـلاة وتحيـه ... عد المطر واعداد ماهـب نسنـاس