جهنيه وكلي فخر

توفيت امــه فكتب قصيده ابكت الكثيـــر
----------------------------------------

اقرأووو معي ما كتبه هذا الشاب متهور تعرض إلى حادث وكانت معه أمه

فتوفيت وبقي هو علي قيد الحياه وكتب القصيده هذي...
..



..

يواسيني وانا الميت وحالي يجبر الدمعات

تسيل من الذي فيني ويبكي وهو يواسيني


وانا ابكي واتنهد وارسم بالحزن لوحات

يجبروني عشان امشي ورجلي ما تمشيني


قتلت رعايتي بيدي قتلت الحب والرحمات

حرمت النفس من حقها وانا ابكيها وتبكيني


وكنه حلم قدامي يقيدني من الصرخات

ابي اصحى ولكني عجزت القى ال يصحيني


فداك القلب يايمه ومهما قلت من كلمات

صغيره في كبر حقك بس اتمنى تعذريني


نهبت الفرح من بيتي صحيح اني خسيس الذات

صحيح اني ولد طايش وكل ما أسمعه فيني


تجول عيونهم فيني تفصل مني قياسات

وتشيح وجوههم عني وكني غيرت ديني


يظنوا حزنهم اكبر وهم اصحاب هالمأساة

وانا اتحدى اذا فيهم ربع ما يحترق فيني


نقص قدري بعد موتك وغابت نشوة اللذات

وصار الهم عكازي اباكيه ويباكيني


عطيتيني بدون حساب ولا سمعتك تقولي هات

وانا اشرب حيل من دمـــككك ودمـــــك ما يكفيني


يايمه ارجعي كافي ابجلس معك لو لحظات

واقبل ايدك ورجــلك وافرش لك رمش عيني


يايمه ما تحملهم يقولوا فات ما قد مات

تعالي غيري هالقول واطيعك باقي سنيني


واترك عادة التدخين وانفذ ما تبي بسكات

واصلي الفجر في المسجد قبل منتي تصحيني


يايمه ارجعي تكفين وطفي شمعة الآهات

ابيك انتي ولا غيرك على موتك تعزيني


وضميني وداويني مثل ما كانت الهقوات

ما ابي احدن يواسيني ابيك انتي تواسيني


دخيلك بس لا تبكي اذا شفتي بي الدمعات

انا مقوى ابكيك اذا انتي تبكيـــــني





دمـتمـ بكـلـ خيـرـر ..

SALEH

__________________

ابو معاذ

.




قصيدة مؤثرة وحزينة

يعطيك العافية على القصيدة




أسال الله أن يغفر لها ولجميع موتى المسلمين




.

__________________
..




اللهم لا تجعل الدنيا أكبر همنا، ولا مبلغ علمنا





..

عبداللطيف

جهنيه وكلي فخر

هلا وغلا فيكم اخوتي شاكرة لكم مروركم الطيب

والله يعينا علي بر الوالدين ياااااااااااارب