طريقة عمل الكابوريا بكل سهولة
السلام عليكم و رحمه الله و بركاته
معاكم الشيف ميرو ، و هقدملكم النهاردة طريقة عمل الكابوريا في المنزل بكل سهولة و بدون اي مجهود
و احب اتكلم شوية عن فوائد الكابوريا لانها بتحتوي علي نسبة كبيرة من الفيتامينات و العناصر الصحية
و كما بتحتوي علي الفسفور اللي بيقوي العظام و الاسنان ، و كمان بتحتوي علي عنصر مهم اوي اسمه الفوليك
و هو عنصر مهم للمراة الحامل و الجنين كمان ، و دلوقتي هقدملكم طريقة عمل الكابوريا بكل سهوله و بطريقة سريعة
بس اتمني منكم التفاعل و تقولوا رايكم بكل صراحة ، و دلوقتي مع الطريقة .
المقادير :
كابرويا
فلفل حار
بقدونس
ملح
كمون
بصل
ملح
زيت
مياه ساخنة
طريقة عمل الكابوريا :
الاول هنقطع الثوم و الفلفل الحار لقطع صغيرة
و بعدين نحط حلة كبيرة علي النار و نحط فيها ملعقة كبيرة زيت
و نستني لما الزيت يسخن اوي و نحط قطع الفلفل و الثوم و نقلب شوية
بعد ما نقلب شوية نحط الكابوريا ، بعد كدة نحط التوابل بقي
الملح و الكمون و البقدونس المفروم كمان
و لو في فلفل حار صحيح ممكن نحطه معاهم و نقلب كل المقادير كويس اوي
بعد كدة نحط المية السخنة لحد ما تغطي الكابوريا و نسيبها تغلي لمدة 5 دقايق علي نار عاليه
و بعدين نوطي النار خالص لحد ما تستوي تماما
بعد كدة نصفيتها من الميه و نقدمها سخنه مع ارز بني
و ممكن نستخدم الميه بتاعتها كشوربة لان طعمها بيكون حلو اوي
بس لازم طبعا نكون غسلنا الكابوريا كويس اوي قبل ما نسويها
ممكن بردو بنفس المكونات نعمل الكابوريا المشوية
طريقة عمل كابوريا مشوية :
هنخلط كل التوابل في طبق بس نزود معاهم عصير ليمون و جزر و نقلبهم كويس اوي
و بعدين هنحط الكابوريا في التوابل و نقلبها كويس اوي و نسيبها شوية حلوين
بعدها نحط طاسه شوي علي النار و نبتدي نشوي الكابرويا من الناحيتين
بس نصبر عليهم لحد ما نتاكد انها استويت
بعد ما تستوي نحطها في طبق التقديم ونحط معاها شرائح ليمون و بالهنا و الشفا
صفحة جديدة 2
طريقة عمل الكابوريا بكل سهولة
08-10-2018, 09:52
تعليمات المشاركة
العرض العادي
