بعد الفقر حطت شريحة وجوال

[كلاشنكوف]

بعد الفقر حطت شريحة وجوال
--------------------------------------------------------------------------------

قصيدة اعجبتني وحبيت انقلها لكم ..


بعد الفقر حطت شريحه وجـوال..........يسعد مسا جوالهـا والشريحـه

كانت تجيني تشتكي قلـة المـال.......وتصيح لاجا طاري الفقرصيحـه

تقول ابويه دايـم الـدوم رحـال.........وامي كبيره سن دايـم طريحـه

وانت الوحيد اللي لك القب ميال......دايم تصارحني وانا لك صريحـه

طفله وانا معشوقها بين الاطفـال.....جريح حب وطاح له في جريحـه

كنا سوى نرسم على التربه امال.......وأحلام تقتلها الحيـاه الشحيحـه

كم دمعةٍ كانت على الخد تنهـال.......واذا نزلت ضاقت عليّ الفسيحـه

الله كم صرخه..وهمسه.. وموال........الله كم جـادت علينـا القريحـه

الله كـم بيـتٍ كتبنـاه يختـال.......واقول انا (ضيدان) وانتي(مليحه)

نخيل لومافالسما بـرق وخيـال......وانكذب الايام لوهـي صحيحـه

تقول لاحطيت لك بشت وعقـال.......وسخّرلك الرحمن عيشه مريحـه

اخاف تتركني على عثرة الفـال....... للفقر ووجيه الحيـاه القبيحـه

وحبيتها بين الخلايـق والازوال........حبٍ يطول الوقت محـدٍ يزيحـه

وسلمتها قلبٍ تباريـه الاهـوال.......وطاح الخفوق وطيحة القب طيحه

راحت وخلتني مع القيل والقـال.....شاعر صواريف الدهر تستبيحه

ودار الزمان وغير الحال بالحال......وجاها الزمان بكل ورده وشيحه

فلة ..وخدامه.. ولكزس.وجـوال........وانا عجزت ادفع رسوم الشريحه


وياااااااااااشينها الفرقى بين الاحباب