نوره

[عبدالله السهيمي]

رسمتك داخلي صوره عزفتك باجمل الألحان

أميره في صفاتك و الله اللي كمل الصوره


ملكتي القلب لك وحدك و حليتي بلا استئذان

و صار القلب مملكتك نقشت بداخله ( نوره )


سحرني وجهك الباهر سحرني صوتك الفتان

عجزت اوصفك يا عمري لأنك وحدك اسطوره


بريقك يشبه فلمعه بريق اللول و المرجان

اصيله يا ذهب صافي عليه الدر منثوره


و حبك يجري فدمي و يتنقل مع الشريان

و بسمة وجهك الفاتن تزيل الهم بجذوره


اذا جيتي و سولفتي و ضحكتي زالت الأحزان

و انسى الهم لا شفتك يغني الكون و طيوره


حياتي يا بعد عمري غديتي للوفا عنوان

فؤادي ما يبي غيرك يا عطر البيت و بخوره


من ينافسك فجمالك اكيد نهايته خسران

تحاول بس ما تقدر و صارت منك مقهوره


اشوف الكون ما يرحم و ناسه بعضهم غيران

حماك الله من غدره حماك الله من شروره


انا اسف اذا لحظه غدا قلبك علي زعلان

فداك الروح يا روحي فداك الكون و قصوره

هذي المشاركة الأولى
اتمنى نقد القصيدة من اصحاب الخبرة

اتمنى نقد القصيدة من اصحاب الخبرة