هذه قصيدة لشاعر الكبير محمد الاسمري صاحب الاحساس الراقي والحضور المتميز في سماء الشعر
وانشا الله يجي راعي القصيده معنا
يا محمد أدري أنك صادق(ن) راعي حميه
وادري أنك كفو ما تمشي على الذل وتعافه
جيتني صادق وجيتك بنت عز(ن) واجوديه
أفرش الجرهد وغيري بالحقد يطوي لحافه
لو انا بدعي لربي ( خلني يالله أسمريه)
لجل اكون أبعد لخوف(ن) كانت القمرا تخافه
وقلت ... :
يا وجودي يا حلاة القول من ثغر البنيه
فيه من سحر الكلام وفيه أحساس ولطافه
أدري أنك بنت عز(ن) يالهنوف الغشمريه
يا عما عين الحقود ويا مميزة الثقافه
جيت كلي والمعاني جتك يالغالي هديه
الليالي هيضنّي يوم أنا سامرت قافه
أسرج الأبيات لجله مثل سرجي للمطيه
وأصرف اللي قد خفاله وأعجز أبنوك الصرافه
النقاء والطيب وأسلوم العرب والشاذليه
شرعها واللي يخالف شرعها حنا خلافه
المعزه لك لوحدك والغلا والمقدريه
وأشهد أنك بنت رجل(ن) ما احد(ن) بالطيب طافه
المهابه والشرف والمرجله والمنخويه
له لباس وطاعة الله فيه من زود العرافه
راس قوم وطيب دوم ولا يمنن بالعطيه
مسلم امسالم ولكن جلف بأوقات الجلافه
طيبها من طيب أبوها طالعه حره آبيه
ما تنزل راسها للدون وأعلوم السفافه
بيض الله وجهك اللي .. ما تجي منه الخطيه
طيبه.. والطيب عندك عادة(ن) ماهي كلافه
من عرفها يعرف أن الخير باقي له بقيه
ماتقول الا تطول ولا تقوم الا حرافه
يدها بالطيب تنقا يدها بيضا نقيه
جعل حظك لعلا والوقت من دونك حسافه
ياوجودي يا حلاة القول من ثغر البنيه
ويا وجودي ليتني في يدك مفتاح المسافه
06-09-2007, 04:06
غالي الاثمان 
العرض الشجري