.. ( مـحـاورة ..!
بسم الله ...
صلوا على النبي ..
<>
<>
<>
ذي محاورة .. ( قوية اخترتها لكم ..!
حسين الحارثي@@مطر العضياني
حـســيــن الـحــارثــي
سلام الله على استاذنا في ماض الايـام
عدد مالاح برق السحـاب وهـل مايـه
تقدم يامطر واعتبر مـن وضـع صـدام
ترا ماكـل رجـلٍ قـدر يبحـث خفايـه
مــطـــر الـعـضـيـانـي
هلابـك يالمسلّـم عـدد ذرات الأنسـام
أعلمـك القرايـه وهـذا هـو جزايـه
انا مانيـب يالحارثـي عبّـاد الأصنـام
تبا تبطي يابـو زيـد ماتلحـق مدايـه
حـســيــن الـحــارثــي
يدوم الك البقا مير لاتخدعـك الاوهـام
ترى المغرور ماتقنعـه حتـى المرايـه
انا مسلم و ديني من اول دين الاسـلام
ولاني يالعتيبـي مسـوي لـي سوايـه
مــطـــر الـعـضـيـانـي
أشوف الحارثي غرته يالربـع الأ حـلام
يفكر عقب مافطر يبي يسـرق عصايـه
نصيحه لا تزرفل ورا صيحـات الأعـلام
ترى الميدان ماهو مثل فرض الكفايـه !
حـســيــن الـحــارثــي
ترا بيض الصحايف عماها شوف الاقلام
وانا لامن كتبـت ابعضهـا هـو دوايـه
ولايافارسٍ ماظهر من مـاض الاعـوام
وهالحينه ظهـر حامـلٍ للحـرب رايـه
مــطـــر الـعـضـيـانـي
انا معي القلم وأكتب بصفحتك يا غـلام
نجاح حسين من عقب.... ماحقق منايه
احمل أسيوفنا اللي صداها ياصل الشـام
ذخاير لابتن فعلهـا فالوقـت / أأأأأأأيـه
حـســيــن الـحــارثــي
ياكبر الفرق بين الحكي وافعولٍ اجسـام
يـاراع الضايعـه ماتنقـص مستوايـه
انا ماذم ربعك رجـال اقـروم واحشـام
لكن ربعي خذوهم من الماضي شوايـه
مــطـــر الـعـضـيـانـي
عسى الله يستر الناس ياهل الناس بالخام
قبل لا يزعل حسين ويطـش... العبايـه
متى خذتوا عتيبـه تكلـم قبـل لا نـام
تكلم كان عندك علـى الدعـوى درايـه
حـســيــن الـحــارثــي
عسى من لامني فيك في شرواك ينـلام
يالّباس العبي ياعسـى روحـك فدايـه
خذيناكم بواد الرشـاء وإقيـا؟ لنـا رام
وياكثـر البراهيـن باقـي لـك معايـه
مــطـــر الـعـضـيـانـي
قبل لا تكذب امنول أنتـم مثـل الأ يتـام
من شيوخ القبايل على الحرث وصايـه
ولا لك بندقيـه ولا فـي كفـك أحسـام
كذا عشتوا ومتوا تحت رجـوى عطايـه
حـســيــن الـحــارثــي
انا مااحسبك تجحد فعايل تـاج ووسـام
لنا بيـن القبايـل لكـن منجـوم تايـه
غديتو من فعل ربعنـا ياعتيبـه اقسـام
وصرتـو شـارةٍ للبنـادق والرمـايـه
سلام ،،
.. ( مـحـاورة ..!
01-08-2007, 04:10
تعليمات المشاركة
العرض الشجري