ما كل من يضحـك بدنيـاه مسـرور=لو ضحكتـه دايـم تحـرك حجاجـه

[المهندس]

قصيدة جزله تحاول معرفة الوجه الحقيقي من المزيف

للشاعر/مشعل الشايقي




ما كل مـن يضحـك بدنيـاه مسـرور

لو ضحكتـه دايـم تحـرك حجاجـه
وما كل من يبكي من النـاس مقهـور
بعض الدموع رخاص من شان حاجه
وما كل صادق لو حكا لك من شعور
يا كثر من زيف المشاعـر خراجـه
وما كل ما يخفا من السـر مستـور
بعض الوجيه ابين من ارهف زجاجه
وما كل بيت (ن) بابه انصك مهجور
كم بيت (ن) اطفا الشح واهج سراجه
وما كل ورد (ن) تزرعه ينثر عطور
لو ماه صافـي مـا يخالـط هماجـه
وما كل مرهف قلب لو يزرع زهـور
قلب يحـب الـورد وجـواه صاجـه
وما كل من يخطي من الناس معـذور
البعض يخطي مـن علـوم العواجـه
وما كل من يسكت على الظيم مجبور
لجل الغلا ساكت ويدعـي انفراجـه
وما كل راس (ن) ضيع الفكر مسحور
كم راس سحر الحب جاب ارتجاجـه
وما كل علـه فادهـا طـب دكتـور
كم من عليل (ن) وصل خله علاجـه
وما كل من شاور حكيم (ن)خذاالشور
بعض البشر مـا يقنـع الا مزاجـه
وما كل من سمي صقر يشبه صقـور
كم من صقر وقت الشدايـد دجاجـه
وما كل فزاع (ن) لجل مدح مشكـور
البعـض مرجلتـه وسامـه وتاجـه

[كلاشنكوف]

ما كل مـن يضحـك بدنيـاه مسـرور
لو ضحكتـه دايـم تحـرك حجاجـه

قصيــــده رائعه

يعطيك العافيـــــــــــه على النقل الرائع

[القبساني]

قصيدهـ جميله

الله يعطيك العافيه

سلمت يمناك