شايب وعايب

[كلاشنكوف]

شايب وعايب
--------------------------------------------------------------------------------


هذا واحد من الشباب ..شاف رجل كبير بالسن سكران في المنامة .. طربان ويتغزل بالنساء.. فكتب فيه هالقصيدة ..
يا الله حسن الخاتمه
أشوا لسه الدنيا بخير بس صدق يالله لا تبلانا ..

شايب وعايب

تدري وش أكثر شي هز البدن هـزّ
شوفة كبـار السـن وسـط المنامـة

تشوف لك رجال هيبـه ولـد عـزّ
وليا هرج يـا شيـن حتـى كلامـه

هرجه ما بين أموت وأهتـز يـا وزّ
ويدبك على نغمات راغـب علامـه

وليا لمـح تغريـد والصـدر مرتـزّ
لـوّح لهـا حتـى بذيـك العمامـه

عمامـة التقديـر والطيـب والعـزّ
وعمامـة الهيبـه وكـل الكـرامـه

صارت على تغريد حزام ٍ على الجنزّ
وصوّت لها يا هـوه كافـي ملامـه

وشدت بها الأرداف والبغل مـا فـزّ
وهـزت علـى صيحـات ياللندامـه

بغـل ٍ مـن الكيسـان مديلهـا مـزّ
ومن غرشة الشيفاز حطّـم عظامـه

ماني على ما شفت شامـت ومرتـزّ
بس أطلب الرحمن ثـوب السلامـه

لكننـي شفتـه وهـز البـدن هــزّ
الشايـب السكـران وسـط المنامـه



منقول