يا زين وقت فات
يا زين وقتن فات ما هوب هالحين
يوم النوايا كلــــهن صافيــــــــاتي
و الحقد ما يوجد و دايم سعيـــدين
ونفوسنا سمحـــــــــة وسكر نباتي
و بيوتنا ونســــه و لا به شياطين
ما يدخله صورة ولا منكـــــــــراتي
و يطرد ظلام الليل عنا سراجيــن
و أحيان يقضــــــي قازهن طافياتي
مشروبنا صافي من الزير ولبيــن
ماهوب مستـــــورد سريع الفواتي
ما صنعوه الغرب يا فالهم شيــــن
مابه مواد الحفــــظ و مسرطناتي
وعشينا مرقوق بين العشـــــاوين
تحطه أمي قبل وقت الصـــــــلاتي
لقمة هنيـــــــــه طيبه طعمها زين
تحوفها بيدينــــــــــــها الطاهراتي
ثمن ننام إلى قضينا مصليـــــــــن
بعد العشاء كلن يريد المبـــــــــاتي
و أمي تنومنا بزين السباحيــــــن
سوالفن من عندها طيبــــــــــــاتي
ننام من بدري ونصحى نشيطيـن بعد
الشروق أشغالنــــــا جاهزاتي
ما به كسل لأشغالنا مستـــــعدين ما
عندنا سايق و لا خادمـــــــاتي
نلبس بيوم العيد ثوب السباهين
و أم تحنينا نمــــــــــــاري البناتي
مقيالنا بمجببن بين بابيــــــــــن
فيه الهواء يطرق جميع الجهاتي
نشب نارن بالشتاء و متدفيـــن ما
فيه دفايات و مكيفــــــــــــاتي
يجي المطر و ثيابنا تنتــلي طين
و نلعب جميع عيـــــالنا و البناتي
يصب مثعبنا ونملى المواعيـــن
يا حلو ذاك الماء و ذيك الحياتي
ماهي حياة الحين ياشين هالحين
كله غثاء وهمــــــــومنا كاثراتي
كلش يجي لك لو بكلمه تناديـــن
كلش توفر بس مابه حـــــــــلاتي
صلاة ربي عد ما ترفع يديــــــن
على محمد صاحب المعجــــزاتي
[size=9] ~*¤ô§ô¤*~مما تصفحت[/~*¤ô§ô¤*~size]
صفحة جديدة 2
يا زين وقت فات
18-05-2008, 01:55
تعليمات المشاركة
العرض العادي
