هاله صبحي

اكلات شعبيه بالباذنجان

صينيه باذنجان بكرات اللحم والبشاميل

المكوّنات
كيلو باذنجان رومي
فلفل حار
فلفل الوان
0.5 كيلو لحمة مفرومه
بصله مفرومه
4 فصوص ثوم
كيلو لبن
4 معالق دقيق
3 معالق سمنه
معلقتين كبيره ملح
معلقه كبيره فلفل اسود
1/4 معلقه جوز الطيب
1/2 معلقه صغيره شطه
زيت
كيس تتبيله الكفته
بقدونس
1/4 كيلو جبنة موتزاريلا
1/4 كيلو جبنة رومي


الخطوات
بنغسل الباذنجان ونقطعه حلقات ونرش عليه ملح ونتركه ساعة ونحضر كرات الكفته بنفرم البصله والثوم ونضع عليها كيس تتبيله الكفته ومعلقه ونص صغيرة ملح ومعلقه صغيرة فلفل اسود وربع ملعقة صغيرة شطه ورشه صغيرة جوز الطيب والبقدونس ونقلبهم كويس ونضيفهم على اللحمة المفرومه ونشكيلها كرات ونضعها في صينيه ونضع عليها 3معالق زيت كبيره وندخلها الفرن


بعد ترك الباذنجان ساعة نضعه في مصفاه ونجيب طاسه ونضع فيها زيت ونبتدي نقلي الباذنجان ونطلعه على مناديل المطبخ ونقلي الفلفل الحار


نحضر البشاميل نضع 3 ملاعق سمنه كبيره في حله ولما تسخن ننزل ب 4معالق كبيره دقيق مع التقليب المستمر دقيقتين ونضيف الحليب الساقع مع التقليب المستمر عشان الدقيق ميكلكعش ونضيف ملعقة كبيره ملح ونص ملعقة كبيره فلفل اسود وجوز الطيب حتى يوصل القوام سميك ومش سايل ونضيف عليه 1/8 جبنة رومي مبشوره ونقلبها فيها ونحضر صينيه ونرص الباذنجان و طبقه بشاميل خفيفه و طبقه باذنجان و بشاميل و كرات اللحمة والفلفل الالوان والحار ونضيف الجبنة الموتزاريلا والجبنه الرومي المبشوره وبعد كدا ندخلها الفرن