الوفاء يكاد يكوون انعدم الا عند بعض الناس والوفاء اذ انعدم بالحب مصيبه ونهايه للحب اتركم مع القصيده
الحب مايسكن قلوب ومحاني
الحب اسمى عاطفه تسكن الروح
ياحبك اللي كل ماضمى سقاني
سراب لال ودرب مهجور ونزوح
ماقول منك اللي لفاني كفاني
لاني احبك هجر وعناد وجروح
ان غبت عني طاف عمر الثواني
تقول عمر الثانيه من عمر نوح
ان جيتني مرت ليالي زماني
ماكنه الا البرق بعيوني يلوح
قبل الجفا عذرك سبقني وجاني
لاتعتذر ذنبك من العام مسموح
ابني على شوفك صروح واماني
وشلون ماتبني على شوفي صروح
ان كان غيري عوضك عن حناني
ماعاضني غيرك من الغيد مملوح
انته الاخير وانته الاولاني
لو كان حبك حد قلبي على الصوح
والله ماباح بغرامك لساني
الا عيوني يوم يطرونك تبوح
كتمت سرك لين دمعي عصاني
راعي الهوا لو يكتم السر مفضوح
لاتلوم قلب ٍ جر فيك الاغاني
حتى الحمام يجره الشوق وينوح