[RAMS="http://nota.ws/*/Years.wma"]http://nota.ws/*/Years.wma[/RAMS]
تصدقين..
البارحه اشتقت لك
البارحه
كلي شجر واورقت لك!!
البارحه
أنا امتليت من شمس وجهك والحنين
واشرقت لك!!
البارحه
كنتي السوالف كلها وكنتي البها
وعيونك الليل.. الطويل..
وكل ما اشتهى!!
وكنتي الحديث العذب..
اللي أعيده.. وابتديه..
كل ما انتهى.
البارحه..
مليتي روحي بالحياة..
كانت عيونك دنيتي..
وكل الجهات
كنتي اختصار احلي الأغاني كلها
وكل البنات
واشتقت لك
صرت أنا ظلك شجر..وأورقت لك.
حبيبتي..
ليتك تجين
كل ليله حلم
مثل ما جيتي البارحه
مثل ما كنتي البارحه
البارحه..
كنتي فيني
احتضان الأزرق لكل السواحل والطيور
كنتي اعشاب البحر
كنتي المراكب..
المينا..
المناديل اللي تلوّح فـ الغياب.. وفـ الحضور
وكان في حضنك نوارس
وكان فعيوني غرق
كنت امد حبال لشراع بيدينك واموّل,,
القى كل الماي في صدري شعور
البارحه
كنتي في بالي بخور
كنتي في عيني اماني
وكنتي أنتي فـ الشفاه الذابلة فـ الصمت
عرس.. ويبّاب واغاني
الله يالبارح كثير اشتقت لك
وصرت بغيابك.. شجر
واورقت لك
وامتلت روحي سوى
واشرقت لك