محاورة بين شاعرين كبيرين
بسم الله الرحمن الرحيم
السلام عليكم ورحمة الله وبركاته
اسعد الله جميع أوقاتكم بكل خير
محاورة بين شاعرين كبيرين
صياف ابن عواد الحربي واحمد الناصر الشايع
أحمد:
مرحبا عداد ما تسري نجوم السما فالليل
ردة وافيه نبـدي بهـا عنـد واجبهـا
بس انا والطواري والهواجيس حط وشيل
عام اصدق هواجيسي وعامين اكذبهـا
صياف:
البقا بالعميل اللي يمد الحـن بالحيـل
من رجال زمان العام تفتـل شواربهـا
احمد الناصر اللي عام الاول يسج الخيل
السنه ذي يربط راسهـا قبـل يركبهـا
أحمد:
عامنااللي مضى هاذي مواقف جمال عقيل
ماقف الفارس اللي سبق الخيـل يتعبهـا
غاب عيبه طويله والله اقوى قوي الحيـل
وكل نفس بعملها ربهـا اللـي يحاسبهـا
صياف:
شفت سيل حدر واد الرمه مثل نهر النيل
والجمال اغرقت ما سلمت الا غواريهـا
وانت لو شفت نجم الجدي قدام نجم سهيل
يمكن انك تحصل لك ارجـال تصاحبهـا
أحمد:
باقي الجدي والمرزم عسى ما يجيهم ميل
وجعل سود الليالي ما تجيهـم مصايبهـا
اخذ فنجال اشقر خالطه زعفران وهيـل
يقعد الـراس والافكـار عنـدك يقربهـا
صياف:
فتح العين لين تشوفنا وارفع الدربيل
وامسح الخط كله والملفـات جنبهـا
ما عرفنا المقاضي لين فكيتوا الزنبيل
يا عيال الحلال اللي قرينـا مكاتبهـا
أحمد:
جعلها ما تجي بديارنا قصة اهل الفيـل
وساعة الطرقي العجلان تاقف عقاربها
من ينقص لك الميزان ينقص عليك الكيل
وما احد يعرف العربان حتـى يجربهـا
فالكم الطيب
صفحة جديدة 2
__________________
