معجنـــــــــــــــــــات
 

معجنـــــــــــــــــــات


الفطاير المنفوخه بمكس جبن

المكوّنات
3 كوبايات دقيق ابيض
1 كوب دقيق سمولينا (سميد)
رشه ملح
3 م ك زيت ذره
1 ك زبده سايحه للفرد
2 كوب ماء دافي



الخطوات
نحضر بوله فيها الدقيق الأبيض مع المقادير الجافه كلها مع بعض وبعد كده نضع الزيت على الخليط ونخلط مع بعضه ونشرب الدقيق بالزيت كويس ونبسه كويس وبعد كده نعجن بالماء الدافي الى ان تصبح العجينه لينه وطريه وسهله التشكيل

طبعاً العجينه مافيش فيها لا خميره ولابودر فا مش هسيبها ترتاح هشتغل فيها على طول. اقطعها قطع صغيرة

على حسب رغبتي وارصها على صينيه واخلص الكميه وابدا افرد العجينه وادهنها بالزبده واثني الأطراف الشمال واليمين واضع الحشوة في الوسط واجيب الأطراف الأخرى مع بعض

اتني الطرف من فوق والطرف من تحت واضغط عليها وبعد كده هحمرها في ملعقة زيت واحده في طاسه على عين البوتجاز من فوق وتقدم بالف هنا وشفا